TikTok sosial şəbəkəsi artıq istifadəçiləri yüklədikləri videonun niyə silinməsi ilə bağlı məlumatlandıracaq.

TED.az xəbər verir ki, sosial şəbəkə bunun vasitəsilə etik prinsipləri həll etməyə çalışır. Bu günə qədər silinən videonun sahibinə yalnız TikTok qaydalarına uyğun gəlmədiyi bildirilirdi. Bundan sonra isə həmin qaydalarla bağlı ətraflı məlumat veriləcək. 

Sosial şəbəkə rəsmiləri yeniliyin artıq bir neçə aydır test edildiyini, nəticədə etirazların 14% azaldığını söyləyiblər. 

Qeyd edək ki, TikTok 2020-ci ildə qaydaları pozduğu üçün 104 milyon postu silib. Ötən ilin ikinci yarısında isə bu rəqəm 49 milyon civarında idi.