Azərbaycan Respublikasının Prezidenti İlham Əliyev bu gün xalqa müraciətində düşmənin məhv edilən və qənimət kimi götürülən hərbi texnikasının siyahısını açıqlayıb.

TED.az həmin siyahını təqdim edir: "252 tank məhv edilib, 53 tank qənimət kimi götürülüb. Toplam 305 tankdan Ermənistan məhrum edilib. Amma hələ tankları var. Görün nə qədər tank olub. Piyadaların döyüş maşını 50-i məhv edilib, 29-u qənimət kimi götürülüb. 

Müxtəlif çaplı toplar 251-i məhv edilib, 24-ü qənimət kimi götürülüb. Minaatan 61-i məhv edilib, 45-i qənimət kimi götürülüb. Toplam 106 edir. Tank əleyhinə vasitə 53-ü məhv edilib. 82 Qrad qurğusu məhv edilib, 2 Uraqan, 2 Yars, 1 TOS məhv edilib. Zenit raket kompleksləri 4 TOR, 40-a yaxın ASA, 4 KUB, 1 Kruq, 2 S-125 qurğuları, 6 S-300 məhv edilib. Ən bahalı qurğularından biridir. 1 aşkaretmə stansiyası, 1 lokator məhv edilib. Qiyməti hər kəsə bəllidir. 2 Elbrus əməliyyat taktiki raket kompleksləri  məhv edilib. 1 Toçka -U, 231 yük avtomobilləri məhv edilib, onlardan 20-i sursatla dolu olub. 173 yük avtomobili hərbi qənimət kimi götürülüb. Toplam 404 yük avtomobilindən düşmən məhrum edilib".