Oktyabrda dəmir yolu nəqliyyatı ilə Azərbaycanda ümumilikdə 679.835 ton yük daşınıb ki, bu yüklərin dəyəri 235,7 milyon ABŞ dolları olub.

Dövlət Gömrük Komitəsindən TED.az-a verilən məlumata görə, keçən ay dəmir yolu nəqliyyatı ilə ixrac olunan 208.562 ton yükün dəyəri 46,7 milyon dollar təşkil edib.

Eyni dövrdə bu nəqliyyat növü ilə idxal edilən yüklərin həcmi 471.272 ton, dəyəri isə 189 milyon dollar olub.