AZ

Diqqət: Ustaya avtomobilin bütün hissələrini sökməyə icazə verməyin - TEXNİKİ MƏSLƏHƏT

 

61c6e583b6b7cd76dcb1f11cd4e0e9fe.jpg
30.11.2020 16:27

Bəzən sürücünün məlumatsız olduğu kiçik detal avtomobilə xeyli ziyan vurur. Onlardan biri də AdBlue ilə işləyən minik avtomobillərində müşahidə olunur. Dizel mühərrikin sönüb bir daha işə düşməməsi ən azı 6 min civarında ziyanla nəticələnə bilir.

 

 

 

Mövzu ilə bağlı TED.az-a danışan avtomobil üzrə mütəxəssis Şahin Göyləroğlu bildirib ki, bu, adətən müasir yüksək euro standartlı AdBlue ilə işləyən minik avtomobillərinə aiddir: "AdBlue zəhərli qazları azaltmaq üçün yanacağa qarışmayan, özünün ayrıca çəni və püskürtmə sistemi olan mayedir. Müasir dizel mühərrikli avtomobillərdə bir dizel üçün yer, bir də AdBlue var. Əsas məsələ elə bu mayenin bitməsi ilə başlayır. Bu, 3 halla müşahidə olunur. İlk hala görə, maye bir neçə min kilometrdən sonra qurtarır. Yanacaq azaldıqda işarə yandığı kimi yanır və ADBLUE qurtarır.  Əlavə edirsiz və işıq sönür, burada problem yoxdur. İkinci variantda isə ekrana AdBlue-nin qurtarması ilə bağlı belə bir mesaj çıxır: "AdBlue əlavə et, 1000 km-dən sonra mühərrik işə düşməyəcək". İngiliscə "refill AdBlue no engine start 1000", almanca isə "AdBlue nachfüllen kein motorstart in 1000 km" kimi yazılır.  Bu zaman tez maye əlavə edilməlidir. Mesaj ekrandan silinmədisə, təcili maşın işlək vəziyyətdə ola-ola servisə getmək lazımdır. Görüləcək ilk iş shitdən mesaji sildirmək olmalıdır. Çünki 1000 km-dən sonra avtomobil getməyəcək, mühərrik sönəcək".

 

 

Ş.Göyləroğlunun sözlərinə görə, mesaj ekrandan silinmədikdə üçüncü hala müraciət etmək lazımdır: "Bəzən sürücü özü də maşının niyə işləmədiyini bilmir. Usta da problemin nədə olduğunu soruşur. Elektronika, datçiklər, katalizator, starter, proqram təminatı - bir sözlə, kimin gücü nəyə çatırsa, sökür. İndiyədək şahidi olduğum mənasız yerə çəkilən ən çox xərc 6300 AZN olub. Amma bu, daha çox ziyanı istisna etmir. Məsələn, bir neçə gün əvvəl dostum rayona gedirdi. Tam başqa səbəblə mənə şəkil yolladı. Dedi, ustası dizel pis olduğu üçün ekrana belə bir mesaj çıxdığını söyləyir. Mesajda şəkildəki kimi, "no start in 145 miles" yazılmışdı. İzah etdim ki, qayıtsın. Çünki 145 mile sonra maşın işləməyəcək və rayonda bunu düzəldən çətin tapılır. Beləliklə, dostum Bakıya qayıdaraq 3 ustaya müraciət edib. AdBluedan başqa avtomobilin bütün hissələrini dəyişməyi təklif ediblər. Əsas da katalizator, kollektor, beyin, bir də farsunka... Bunlar ümumilikdə ən azı 6000 AZN edir. Dərd orasıdır ki, nə sürücü, nə də usta AdBlue haqqında düşünüb.

 

 

Ola bilər, digər hissələr də zədə görsün, bu istisna edilmir. Amma öncə AdBlue sistemi tam işləməli, sonra digərləri düzəldilməlidir. Usta bilməsə də, gərək sürücü ona dəstək olsun".

 

Nə etməli? 

 

Ekspert hər mesaja qarşı diqqətli olmağı tövsiyə edir: "AdBlue-li nəqliyyat vasitəsi sürürsünüzsə diqqət edin, 1000 km sonra motor sönsə, işə salınan deyil. Bunun üçün AdBlue servis intervalı protokollarını izləyin. Bu, hər istehsalçıda fərqli ola bilər. Xəta varsa, qətiyyən başqa hissələri sökməyin. Nə qədər uzun olsa da, tələsmədən öncə AdBlue, daha sonra ona bağlı olan sistemləri yoxlayın. Avtomobildə problemlər ardıcıllığını izləyin (Nədən sonra oldu, niyə oldu və s.). Bunu usta ilə müzakirə edin. Avtomobili 2-3 ustaya göstərib, fikirlərini öyrənməyə çalışın. Ola bilər, birinin bu istiqamətdə təcrübəsi olsun".

 

Lamiyə SÜLEYMANLI

Texnologiya bölməsindən digər xəbərlər

Daha çox