Bəzi iPhone 11 istifadəçiləri ekran problemi ilə üzləşdikləri üçün Apple-a müraciət ediblər. Şirkət bunu nəzərə alaraq ekran dəyişdirmə kampaniyasına başlayıb.

TED.az xəbər verir ki, əsas problem bəzi ekranlarda sensor funksiyanın işləməməsi olub. Bu, xüsusilə də 2019-cu il, noyabr ayı ilə 2020-ci ilin may ayı aralığında istehsal olunan iPhone-larda müşahidə edilib. Digər iPhone-larda hər hansı problem olmadığını deyən şirkət cihazın kampaniyaya daxil olub-olmadığını müəyyənləşdirmək üçün səhifə yaradıb. Şirkət, həmçinin kampaniya gedişində ayrı-ayrı ölkələr üçün say limitinin də qoyulacağını bildirib.