“BMW” şirkəti yenilənmiş “BMW X6” krossoverini bu yaxınlarda təqdim edib, lakin artıq avtomobilin "enerji ilə doldurulmuş" versiyası haqqında ətraflı məlumatlar ortaya çıxıb.

TED.az xarici mətbuata istinadən xəbər verir ki, bundan başqa, dizaynerlər qrupu tərəfindən təkmilləşdirilmiş kupeşəkilli krossoverin mümkün xarici görünüşünü qismən açıqlayan render şəkilləri də nümayiş etdirilib. Avtomobilin radiator barmaqlığı, etiketi və dəyişdirilmiş bamperlərindən onun “enerji ilə doldurulmuş” yeni qurğuya aid olduğunu tanımaq olar.

Bundan başqa, yenilik, diffuzorun modernləşdirildiyi daha cəlbedici formalı kuzova və daha aqressiv dizaynlı egzoz sistemə malikdir. “BMW X6M”in 600 at gücü ilə təkmilləşdirilmiş motor alacağı güman edilir.