AZ

"Pandemiya dövründə onlayn konfrans təklif edilən bir çox proqram təminatındakı “boşluqlar” həllini tapdı" - MÜSAHİBƏ  

138403132_708042556771584_9135259397904569827_n
13.01.2021 15:39

COVID - 19 Pandemiyası bir çox sənayedə ciddi dəyişikliklərə səbəb oldu və bunlar arasında İnformasiya Texnologiyaları sənayesi əsas yer tutur.

 

Pandemiya fonunda İT sektorunda baş verən dəyişikliklər haqqında TED.az-ın suallarını "Edumedia Azerbaijan" şirkətinin direktoru, İT sahəsində məsləhətçi Dilarə Rüstəmzadə cavablayıb. 
                                                                       

Dilarə xanım, pandemiya fonunda şirkətdaxili komanda işi necə təşkil olunur?

 

-  Bilirsiz ki, dünyada uzaqdan işləmə anlayışı həmişə olub və olacaq da. Belə ki, ölkəmizdə bu anlayış, əsasən də İT sektorunda bir çox şirkətlər tərəfindən gözəalınmaz bir hal idi. Lakin pandemiya nəticəsində, komandanı evdən işləmə rejiminə buraxmaq məcburiyyəti yarandı. Bunu düzgün şəkildə təşkil edən şirkətlər bu işin yalnız müsbət tərəfləri ilə rastlaşdılar. Proqramçıların və layihə menecerlərinin vəzifəsi layihənin uğurlu təhvili olduğunda, komandanı düzgün motivasiya etdikdə İT layihələrində evdən işləmək ilə şirkət daxilində işləməkdə bir fərq yaratmadı.

 

 

Pandemiya dönəmində təhvil verilməsi lazım olan layihələrin işində gecikmə ilə rastlaşdınızmı?  

 

- Biz komanda olaraq evdən işləmə rejiminə keçməyə qərar verdiyimizdə, şirkət daxilində də tədbiq etdiyimiz Agile layihə idarəetmə metodologiyalarının uzaqdan işləmə prinsiplərinə əsaslandıq. Düzgün struktur, layihə planlaması, vaxtında və müəyyən limitli zaman çərçivəsində həm komanda daxili, həm də müştərilərlə təşkil olunan telekonfranslar nəticəsində məhz pandemiyanın ən pik vaxtında biz iri həcmli dövlət səviyyəli layihələrimizdən birini uğurlu şəkildə təhvil verməyi bacardıq.  

 

Covid 19 Pandemiyası İT tədbirlərinin təşkilinə necə təsir göstərdi?

 

- Koronavirusun yayılması bir çox beynəlxalq texnoloji konfransların ləğv edilməsinə səbəb oldu. Bu da bir çox şirkətlər üçün əla tərəfdaşlıq fürsətinə çevrildi. Belə ki artıq oflayn rejimdə təşkil olunan konfranslar onlayn rejiminə keçid üçün müəyyən proqram təminatlarından istifadə etməyə başladı. Bu da həmin bazarın böyüməsinə və daha da möhkəmlənməsinə gətirib çıxartdı. Koronavirus pandemiyası dövründə bir çox onlayn konfrans təklif edən proqram təminatındakı “boşluqlar” öz həllini taparaq daha da istifadəyə yararlı hala gətirildilər. Bu nəinki istifadəçilərin işini görür, eyni zamanda, proqram təminatını buraxan şirkətin də maddi gəlirini artırır. Telekonfransların onlayn şəkildə təşkil olunmasının tək mənfi cəhəti iştirakçıların əlaqələrin genişləndirilməsinə mane olmasıdır ki, əminəm ki, bu gedişlə onun da həllinə baxılacaqdır. 

 

Zeynəb ƏKBƏR

Texnologiya bölməsindən digər xəbərlər

Daha çox