Azərbaycanda 2 gün sonra vaksinasiyaya başlanılır - İLK OLARAQ KİMLƏRƏ VAKSİN VURULACAQ?
Azərbaycanda yanvarın 18-də vaksinasiyaya başlanılır.
TED.az xəbər verir ki, bu barədə Nazirlər Kabineti yanında Operativ Qərargahın brifinqində məlumat verilib.
Bildirilib ki, ilk olaraq sosial cəhətdən yüksək risk qrupuna aid vətəndaşlar peyvənd olunacaq:
- səhiyyə işçiləri (həkim, orta və kiçik tibb heyəti, texniki heyət);
- hüquq-mühafizə orqanlarının əməkdaşları;
hərbi qulluqçular;
- təhsil və sosial sektorda çalışanlar, sosial müəssisələrdə daimi yaşayanlar, ASAN Xidmət və DOST mərkəzləri, ictimai nəqliyyat sektorunun, telekommunikasiya
operatorları və provayderlərinin və poçt sahəsində birbaşa əhali ilə təmasda olan işçilərin və bank sektorunun birbaşa əhali ilə təmasda olan hissəsi.
Bundan əlavə, tibbi cəhətdən yüksək risk qrupuna aid insanlar da peyvənd olunacaq:
- yaşlı əhali (65 yaş və ya çox)
- TSXX, xroniki hemodializ xəstələri, şəkərli diabetin ikinci tipi və piylənmədən əziyyət çəkənlər
Fatimə ZÜLFÜQAR