Türkiyədə qanunsuz mərc oyunları təşkil edən qruplaşma üzvləri həbs edilib. Maraqlı tərəfi isə əməliyyat gedişində xeyli texnoloji avadanlığın da müsadirə edilməsidir.

TED.az xəbər verir ki, əməliyyat nəticəsində yanvarın 15-i 44 adamın tutulmasından sonra daha 9 nəfər nəzarətə götürülüb. Beləliklə, məhkumların sayı 53-ə çatıb. Daha sonra 31 nəfər prokurorun göstərişi ilə sərbəst buraxılıb, 22 şübhəli isə ədliyyəyə göndərilib. Onlardan 7-si həbs olunub, 15-i məhkəmə nəzarəti ilə sərbəst buraxılıb.

Bununla yanaşı, əməliyyat gedişində 18 milyon lirə pul köçürməsi faktı aşkarlanıb, 230 hesab bloklanıb. Axtarışlar nəticəsində 19 min 100 dollar pul, 1 qanunsuz silah, 24 patron, 2 sənədsiz ov tüfəngi, müxtəlif banklara məxsus 30 bank kartı, 45 mobil telefon, 3 tablet, 1 printer və 8 xarici disk ələ keçirilib.