Huawei bu tətbiqdən də məhrum edilir
Çinin texnologiya nəhənglərindən olan Huawei-ə sanksiyalar ucbatından daha bir ağır zərbə vurulub.
TED.az Türkiyə KİV-nə istinadən xəbər verir ki, şirkət öz məhsullarında Google-un Mesajlar funksiyasından da istifadə edə bilməyəcək.
Etibarlı mənbələrdən verilən məlumata görə, martın 31-dən etibarən, Google Mesajlar tətbiqi lisenziyası ləğv edilən "ağıllı" telefonlarda dəstəklənməyəcək.
Normal şərtlərdə Google-un xidmətlərindən məhrum qalan Huawei üçüncü tərəflər vasitəsilə şirkətin bəzi funksiyalarından yararlana bilirdi. Ancaq sanksiyaların bu yolu da bağladığı görünür.
Huawei-in bunun qarşılığında hansı addımları atacağı hələlik məlum deyil. Amma alternativ kimi, şəxsi mesajlaşma xidmətini yarada biləcəyi mümkündür.