Volkswagen-in elektrikli avtomobillər seriyasının flaqman modeli olacaq Project Trinity haqqında yeni açıqlama yayılıb.

TED.az xəbər verir ki, şirkətin baş icraçı direktoru tərəfindən edilən paylaşımda yeni avtomobilin 3 fərqli vacib elementə sahib olacağı ifadə edilib. Bunlar yeni vasitə arxitekturası, avtonom sürücülük və avtomobil istehsalına yeni yanaşma olacaq.

Açıqlamaya görə, Project Trinity tamamilə yeni elektrikli nəqliyyat vasitəsi platformasına və 2-ci səviyyə avtonom sürücülük xüsusiyyətinə sahib olacaq. 

Project Trinity Volkswagen adı altında satışa təqdim ediləcək. Lakin bu modelin Landjet kodlu seriyasının məhsulu olacağı və eyni platformanın Audi, Porsche və Bentley markalarında istifadə ediləcəyi deyilir.