Xiaomi-nin törəmə şirkəti olan Redmi qeymerlər üçün smartfon istehsal edəcəyini açıqlayıb.

TED.az xəbər verir ki, bu barədə şirkətin top-meneceri Lu Veybin Weibo hesabında yazıb. 

Veybinin sözlərinə görə, Redmi 2021-ci ildə kibersport istiqamətində inkişaf etməyi planlaşdırır. Buna görə də, şirkət yalnız qeymerlər üçün nəzərdə tutulan cihazı istehsal edəcək. 

“Kibersport fanatlarına “yox” deməyəcəkləri qiymətə oyun təcrübəsi hədiyyə etməyə hazırıq”, — deyə Veybin qeyd edib.

Şirkət nümayəndəsi gələcək cihazın xüsusiyyətlərini açıqlamayıb, lakin yeni cihazın Dimensity 1200 çipi ilə təchiz ediləcəyini qeyd edib. Çip 5G və neyron şəbəkələrə əsaslanıb.