Alimlərin fikrincə, heç bir adi xəritə onunla müqayisə edə bilməz. Prinston Universitetinin astrofziki Riçard Qott bildirib ki, biz xəritənin  tamamilə yeni növünü təklif edirk.

Yaradılan xəritə rulonla əzilmiş kimi görünür və iki tərəflidir. Şimal və Cənub yarımkürələr aşağıda gördüyünüz kimi ekvatorun hər iki tərəfində yerləşir:

Videoda Yerin hər iki üzünü çevirməklə ən düzgün xəritə ilə işləmək üsulu göstərilib.

TED.az xarici mətbuata istinadən xəbər verir ki, layihə üzərində iş zamanı tədqiqatçılar əvvəllər yaradılan xəritələrdə hansı səhvlərin baş verdiyini təhlil ediblər və öz işlərində bunlardan uzaq olmağa çalışıblar. 

Riçard Qott qeyd edib ki, Kürənin istənilən xəritəsi mükəmməl ola bilməz: "Lakin xəritəmiz lokal ərazilər, bölgələr, əyilmələr, məsafələr və sərhəd kəsiklərindəki səhvlərin minimuma endirilməsi sayəsində əvvəlkilərdən daha yaxşıdır".