AZ

Bu ilin sonuna kimi Zəngilanda 1000 nəfər yerləşdiriləcək – Prezident “ağıllı” kəndlərin adını çəkdi

 

20c3f56603d4d237390bd949d6ad662b.jpg
01.03.2021 15:58

"Bizim aeroportlar tikmək planlarımız təkcə Füzuli şəhəri ilə məhdudlaşmır. Biz ərazinin abadlaşdırılması proqramlarını, Zəngilanın çox mühüm logistika mərkəzinə çevriləcəyini nəzərə almaqla Laçında və Zəngilanda da aeroportlar tikməyi planlaşdırırıq”. 

 

TED.az xəbər verir ki, bu sözləri president İlham Əliyev yerli və xarici media nümayəndələri üçün keçirdiyi brifinqdə deyib. 

 

Prezident azad olunan ərazilərdə qurulacaq “ağıllı” kənd və şəhərlərə də toxunub: “Bu yaxınlarda “ağıllı kənd” layihəsi artıq gerçəkləşməyə başlayıb. Zəngilan rayonunun üç kəndində - Birinci, İkinci, Üçüncü Ağalı kəndlərində bu layihə həyata keçiriləcək. Mən təlimat vermişdim ki, bu ilin sonuna qədər layihə tam başa çatsın. Yəni, orada təqribən 1000-ə yaxın insan yerləşəcək.  

 

Zəngilan-Cəbrayıl zonasında isə günəş stansiyaları, çünki orada il ərzində düşən günəş şüalarının miqdarı da çox böyükdür və əgər belə demək olarsa, günəş şüalarının keyfiyyəti də buna imkan verir."

 

Nicat ABDULLA

QARABAĞ bölməsindən digər xəbərlər

Daha çox