İKT LAB Tətbiq və Tədris Mərkəzində Data analitika: “Ms Excel” və “Ms Power BI” mövzusunda təlim keçiriləcək.

TED.az xəbər verir ki, data analtika sahəsinə marağı olan şəxslər və data təhlili və analitik hesabatlar hazırlayan mütəxəssislər təlimdə iştirak edə bilərlər. Elçin Tarverdiyevin təlimi əsasında aparılan kurs 8 dərsdən (16 saat) ibarət olacaq. Kursun vaxtı çərşənbə günü 19:00-21:00, şənbə günü isə 19:00-21:00-a kimi olacaq.

Kursun məqsədi:

“Excel”in “Table” formatlı cədvəllərində məlumatların sürətli  şəkildə analiz edilməsi;

“Pivot Table”da sürətli şəkildə istənilən hesabatların hazırlanması;

Hazırlanan hesabatların “Slicer”lar vasitəsilə analiz edilməsi;

Hazırlanan hesabatların “Pivot Chart”lar vasitəsilə vizuallaşdırılması;

“Pivot Table” daxilində müxtəlif “Table”lar arasında əlaqələr (relations) qurmaq;

“Power Query” vasitəsilə müxtəlif məlumat bazalarından məlumatların çəkilib (Get Data), təmizlənib səliqəli vəziyyətə gətirilməsi (Clean Data);

Müxtəlif cədvəlləri birləşdirib yekun 1 cədvəl hazırlamaq və hazırlanan bu yekun cədvəldən də “Pivot Table” vasitəsilə yekun hesabatın çıxarılması;

Müxətlif cədvəllər arasında əlaqələr yaradıb yekun cədvəl hazırlamaq;  

DAX (Data Analysis Expressions) dilindən istifadə edərək istənilən şəkildə məlumatları analiz etmək (həm Excel-də, həm Power BI desktop-da);

“Power BI Desktop” proqramının içərisinə müxtəlif məlumat bazalarından cədvəllər götürüb həmin cədvəllər arasında əlaqələr (relations) yaratmaq;

Əlaqə yaradılan cədvəllərdən isə DAX (Data Analysis Expressions) dilindən istifadə edərək sürətli şəkildə hesabatlar hazırlayıb analiz etmək;

Hazırlanan hesabatları rahat bir şəkildə vizuallaşdırmaq.

Qeyd edək ki, kursu bitirən şəxslərə Nəqliyyat, Rabitə və Yüksək Texnologiyalar Nazirliyinin “İnformasiya-Kommunikasiya Texnologiyalarının Tətbiqi və Tədrisi Mərkəzi”nin sertifikatı veriləcək.