"Falcon 9" raket-daşıyıcısı "Starlink" sisteminin qlobal İnternet əhatə dairəsi şəbəkəsinin orbital qruplaşmasının artırmaq üçün 52 mini peykdən ibarət daha bir partiyanı orbitə buraxıb.

TED.az-ın  məlumatına görə, bu barədə "SpaceX" şirkətindən məlumat verilib.

Buraxılış ABŞ Sakıt okean sahili vaxtı ilə çərşənbə günü saat 16:10-da Kaliforniyadakı "Vandenberq" Kosmik Qüvvələri bazasından baş tutub.

Bu, "Starlink" layihəsi çərçivəsində 2019-cu ilin may ayından etibarən bir qrup İnternet peykinin orbitə buraxılmasının sayca 64-cü olub.