Parisdə keçirilən ParisGamesWeek tədbirində Artha France adlı texnologiya təşkilatı görmə qabiliyyəti zəif olan insanların görürmüş kimi davranmasına və ətrafdakı şeylərdən xəbərdar olmasına imkan verən cihaz hazırlayıb.

Fransız təşkilatı tərəfindən hazırlanan bu texnologiya sayəsində görmə məhdudiyyətli insanlar artıq oyun oynaya bilirlər. Hazırlanmış texnologiya hazırda yalnız Trackmania oyunu ilə uyğun gəlir, lakin gələcəkdə daha başqa oyunlar oynanıla bilər.

Artha France texnologiya firması kamera və ya ekran kimi bir girişdən məlumatı dəridəki hisslərə ötürən cihaz hazırlayıb. Texnologiyanı sınaqdan keçirmək üçün firma virtual mühitdən istifadə etmək istəyib.

Onlar test üçün ən uyğun virtual mühitin Trackmania oyunu olduğu qənaətinə gəliblər. Səbəb odur ki, Trackmania təkcə sadə bir oyun deyil, həm də bir çox real dünya problemlərini təqlid edir. Belə ki, bu sistemi sınaqdan keçirən görmə məhdudlu insanlar tez reaksiya verib və cihazdan daha tez istifadə etməyə alışıblar.

Trackmania-nı burada məşq kimi düşünə bilərsiniz. Görmə məhdudiyyətli bir insanın bu texnologiyadan istifadə etməyi öyrənməsi təxminən 20 saat çəkir.