"Twitter"in baş direktoru İlon Mask futbol üzrə dünya çempionatı zamanı sosial şəbəkənin yüklənməsi barədə məlumat paylaşıb.

TED.az xəbər verir ki, amerikalı biznesmen məlumatı özünün "Twitter" səhifəsində yazıb.

"Dünya Çempionatı trafiki bu gün saniyədə təxminən 20 000 tvitə çatdı! Rekord yüklənmənin idarə edilməsi üzrə "Twitter" komandası tərəfindən böyük iş", - deyə İ.Mask bildirib.

Qeyd edək ki, Dünya Çempionatı noyabrın 20-də başlayıb və dekabrın 18-dək davam edəcək. Turnir Qətərdə, beş şəhərin səkkiz stadionunda keçirilir. Final qarşılaşması "Milli Stadion"da baş tutacaq.