İstehlakçılar arasında onlayn xidmət növləri və onların keyfiyyət göstəriciləri heç də birmənalı qarşılanmır. Belə olduğu halda həm istehlakçı, həm də istehsalçı nə etməlidir?

Məsələyə TED.az-a müsahibəsində “Smart Biznes” şirkətinin rəhbəri Əbülfət Mirzəyev qismən aydınlıq gətirib.

O, vurğulayıb ki, bunun digər bir səbəbi də ya şirkət, ya da fiziki şəxsin keyfiyyətli xidmət göstərə bilməməsidir ki, bu da qarşı tərəfdə narazılıq yarada bilər.

“İstehlakçıya gəldikdə isə ola bilər ki, o da məhsulun və ya xidmətin düzgün istifadə qaydasını bilmir. Bu kimi hallarda hər iki tərəfin narazılıqları baş verir. Müştəri onlayn sifariş verirsə, texniki problem yaranırsa, bu, birbaşa şirkətin məsuliyyətidir. Bu zaman platformada olan texniki nasazlığın aradan qaldırılması üçün tərəfdaş şirkətlə birgə həll olunmalı məsələlər ön plana keçir.” – Ə.Mirzəyev deyib.