Ən yaxşı smartfon istehsalçılarının adı açıqlanıb. 

TED.az xəbər verir ki, siyahıya “Samsung” şirkəti başçılıq edir. 

Mütəxəssislərin sözlərinə görə, “Galaxy” seriyasından olan “Samsung” smartfonları yüksək texnoloji xüsusiyyətləri və innovativ dizaynı mükəmməl şəkildə özündə birləşdirir. Bu smartfonlar həm gündəlik işlərə, həm oyunlara, həm də qabaqcıl kamera xüsusiyyətlərinə uyğun olaraq yaxşı displeylərə malikdir.

İkinci yerdə “Apple” qərarlaşıb. “iPhone” smartfonları müstəsna dizayna malikdir və eyni zamanda unikal xüsusiyyətlərə malik iOS əməliyyat sistemi ilə təchiz edilib.

lk üçlüyü tamamlayan “Google” şirkətinin heyrətamiz kameralarına və davamlı Android yeniləmələrinə malik “Pixel” smartfonları istehsal edir.

Siyahıda dördüncü yerdə yaxşı performans, dizayn və istifadəyə yararlı bir sıra yüksək səviyyəli cihazlar təklif edən Çin smartfon istehsalçısı “OnePlus”dur.

Beşinci yerdə cihazları intuitiv və istifadəçi dostu istifadəçi interfeysi, yaxşı batareya ömrü və sürətli enerji doldurma texnologiyalarına malik olan “Motorola” şirkətidir.

Tayvanın elektronika istehsalçısı olan “Asus” siyahıda altıncı yerdə yer alıb. Bu istehsalçı “Zenfone” modeli ilə smartfon sənayesində iz qoyub. Bu cihazlar yüksək səviyyəli xüsusiyyətlərin və sərfəli qiymətləri ilə öz rəqiblərindən seçilir. 

Yeddinci yerdə Yaponiyanın tanınmış elektronika istehsalçısı “Sony” şirkətidir. Onun “Xperia” smartfonlar xətti premium xüsusiyyətləri (o cümlədən yaxşı kameralar və əla səs) və parlaq dizaynı ilə tanınır.

Səkkizinci yerdə Çinin “Xiaomi” şirkəti qərarlaşıb. Bu şirkətin smartfonları uzun müddətdir ki, yüksək keyfiyyətli xüsusiyyətlərin və münasib qiymətlərin mükəmməl balansının simvoluna çevrilib.

Doqquzuncu yeri “Vivo” şirkəti tutub. Sonuncu, yəni onuncu yerdə “Huawei” şirkətidir. Bu Çin istehsalçısı peşəkar səviyyədə foto imkanları olan smartfonlar istehsal edir.