Bakı Şəhəri üzrə Təhsil İdarəsi Təlimə Dəstək Mərkəzi (TDM) tərəfindən “1 sual, 1 cavab” rubrikasına start verilib.

Təhsil İdarəsindən TED.az-a bildirilib ki, təşəbbüsdə əsas məqsəd təhsil işçilərini daha çox düşündürən suallara aydınlıq gətirilməsindən ibarətdir. Sosial şəbəkə vasitəsilə suallarına cavab tapmaq istəyən təhsilverənlər TDM-in feysbuk və instaqram səhifələrində paylaşılan məlumatların altından onları maraqlandıran suallarını qeyd edə bilərlər.

Müəllimlərin suallarının cavabları TDM-in feysbuk və instaqram səhifələrində məlumat (post) şəklində paylaşılacaq.