Google-un Android versiyalarını müxtəlif şirin adlarla adlandırmaq ənənəsi Android 16 ilə də davam edir. Sızdırılan məlumata görə, Google şirkəti daxili olaraq “Baklava” kod adı ilə Android 16-nı inkişaf etdirir.

Android 16-nın Paxlava adlandırılması təəccüblü görünür. Çünki Google hər seriyada əlifba sırası ilə gedirdi. Yəni əlifbanın davamına görə növbəti desertin adının “W” hərfi ilə başlaması gözlənilirdi.

"Paxlava" adının sübutu Google-un Android Açıq Mənbə Layihəsi (AOSP) kodlarında edilən dəyişikliklərdə ortaya çıxdı. Koda edilən dəyişiklik, minimum dəstəklənən SDK versiyasının “Paxlava” olacağını göstərir.

Bilməyənlər üçün, Google Android-in tərtibatçı önizləmə versiyalarında versiya nömrəsi əvəzinə şirin kod adından istifadə edir. Buna görə də kod istinadları Google-un Android 16-da Baklava adı altında işlədiyini göstərir. Bu o deməkdir ki, on ildən artıq bir ənənə pozulacaq. Google əlifba sırası ilə irəliləməni davam etdirməyəcək.

Google-un nə üçün “Paxlava” adını seçdiyi və əlifba sırasından çıxmaq qərarına gəldiyi hələ aydın deyil.