Xəbər verdiyimiz kimi, 30 sentyabr tarixində Bakı Fond Birjasının (BFB) Listinq Komitəsinin qərarı ilə “Kapital Bank” ASC-nin buraxılış həcmi 20 milyon dollar olan istiqrazları premium bazar seqmentində listinqə daxil edilib.

Bu istiqrazların abunə yazılışı üsulu ilə yerləşdirilməsi 31 oktyabr tarixində uğurla yekunlaşıb. Yerləşdirmə olduqca böyük maraqla qarşılanıb. Yerləşdirmədə 177 fiziki şəxs tərəfindən 13,1 milyon dollar, 2 hüquqi şəxs tərəfindən 6,9 milyon dollar həcmində sifariş verilib. Ümumilikdə 179 investor tərəfindən 193 sifariş yerləşdirilib.

Ətraflı məlumat üçün: kbl.az/bf

Xatırladaq ki, təklif edilən istiqrazların hər birinin nominal dəyəri 100 dollar, illik faiz dərəcəsi 7 faiz, ödəniş dövrü 30 gündən bir, tədavül müddəti 7 ildir. Sənədsiz, adlı, faizli, təmin edilməmiş istiqrazların yerləşdirmə üzrə anderrayteri “PAŞA Kapital İnvestisiya Şirkəti” QSC-dir.

“Kapital Bank”ın istiqrazlarına olan bu maraq ölkəmizdə maliyyə bazarlarına olan etimadın göstəricisidir. Bank gələcəkdə də investorlara cəlbedici investisiya imkanları təqdim etməyə davam edəcək.

Ölkənin birinci bankı olan “Kapital Bank” “PAŞA Holdinq”ə daxildir və Azərbaycanda ən böyük filial şəbəkəsi, 119 filialı və 53 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün https://kapitalbank.az saytına, 196 Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün — kbl.az/prgtk, “Birbank” kartı sifarişi üçün —kbl.az/prcrc.