AZ

Sərnişin daşımaları həyata keçirənlərə fərqlənmə nişanları yalnız onlayn veriləcək

 

ad6443d92244b681f8f526da4898edf5.jpeg
14.03.2025 10:20

Aprelin 1-dən avtonəqliyyat vasitələri ilə sərnişin daşımaları həyata keçirən hüquqi və fiziki şəxslərə “Fərqlənmə nişanı” və “Xüsusi fərqlənmə nişanı” yalnız onlayn qaydada e-xidmet.ayna.gov.az/ portalı üzərindən veriləcək.

 

Azərbaycan Yerüstü Nəqliyyat Agentliyindən (AYNA) TED.az-a bildirilib ki, proses AYNA informasiya sisteminə inteqrasiya olunan “Fərqlənmə nişanı” altsistemi vasitəsilə həyata keçiriləcək.

 

Həmin sistem üzərindən “Fərqlənmə nişanı”nın alınması üçün müraciətlərin edilməsi yalnız gücləndirilmiş ASAN İmza ilə mümkün olacaq. Sistemin yeni olmasını nəzərə alaraq, qarşıya çıxacaq sualları minimuma endirmək üçün “İstifadəçi təlimatları” hazırlanıb.

 

Qeyd edək ki, qanunvericiliyin tələblərinə əsasən, "Fərqlənmə nişanı" olmadan avtomobil nəqliyyatı vasitələri ilə sərnişin daşınmasına görə 40 manat məbləğində cərimə nəzərdə tutulub.

 

e-Azərbaycan bölməsindən digər xəbərlər

Daha çox