Azərbaycanda informasiya və rabitə sahəsində fəaliyyət göstərən müəssisələr tərəfindən 2025-ci ilin yanvar-mart aylarında göstərilmiş xidmətlərin dəyəri 823,5 milyon manat təşkil edib.

Bu barədə TED.az-a Dövlət Statistika Komitəsinə istinadən xəbər verir.

Məlumata əsasən, bu göstərici əvvəlki ilin müvafiq dövrü ilə real ifadədə 7,7% çoxdur.

Məlumata görə, göstərilmiş xidmətlərin 73%-i əhali tərəfindən istehlak olunub.

Xidmətlərdən əldə edilən gəlirin 34,8%-i və ya 286,4 milyon manatı mobil telefon rabitəsi sahəsində formalaşıb.