Tesla doğurdan da elektrikli kvadrasikl istehsal edəcək
Xatırlayırsınızsa, “Cybertruck”ın təqdimatı zamanı səhnədə “Halo” oyununu xatırladan bir kvadrasikl da nümayiş etdirilmişdi. Bizə vasitə haqqında heç bir təfərrüat məlum deyildi, hətta şirktəin onunla hansısa əlaqəsinin olub-olmadığı belə naməlum idi.
TED.az xəbər verir ki, “Tesla” kvadrasiklla nəinki birbaşa əlaqədardır, hətta onun yaradıcısıdır. İlon Mask bildirib ki, şirkət kvadrasikli “Cybertruck”la eyni vaxtda təqdim etməyi planlaşdırır. “Tesla”nın rəhbəri ancaq onu deyib ki, “Cybertruck” kimi kvadrasikl da elektrik enerjisi ilə işləyəcək. O, vasitə barədə başqa heç bir təfərrüat açıqlamayıb.
Sonda Mask onu da qeyd edib ki, elektrikli motosikl istehsal etmək heç də pis olmazdı. Lakin, bunu nə dərəcədə ciddi deyib-demədiyi məlum deyil.