Bu gün dövlət əmlaklarının özəlləşdirilməsi üzrə növbəti hərrac keçirilib.

TED.az xəbər verir ki, 24 dövlət əmlakı üzrə ümumilikdə 132 sifariş qeydə alınıb. Sifarişlərdən 28-i elektron formada verilib.

Budəfəki hərracda bütün nəqliyyat vasitələri rəqabət yaradıb. Buraxılış tarixləri 2008-ci il istehsalı olan Vaz markalı avtomobillərdən birinin ilkin qiyməti 3 min 600 manat olsa da hərrac iştirakçıları arasında rəqabət nəticəsində nəqliyyat vasitəsi 6 min 100 manata özəlləşdirilib. Hərraclara çıxarılan dövlət əmlakları ilə tanış olmaq və sifarişçi statusu qazanmaq istəyən şəxslər rəsmi sayta (emdk.gov.az) və ya Özəlləşdirmə portalına (privatization.az) daxil ola bilər.

Qeyd edək ki, onlayn formada özəlləşdirmə hərracında iştirak üçün Elektron Xidmətlər Potalından (e-emdk.gov.az) Elektron hərrac bölməsini seçmək kifayətdir.