Türkiyə 2020-ci ilin yayında kosmosa raket göndərməyi planlaşdırır.

TED.az "Anadolu" Agentliyinə istinadən xəbər verir ki, bu barədə Türkiyə Müdafiə Sənayesi Nazirliyinin tabeliyində yaradılan “Delta V” Kosmos Texnologiyaları İdarəsinin baş direktoru Arif Karabeyoğlu məlumat verib.

"Hibrit Kosmik Raket Mühərriki İnkişafetdirmə" (HURM) layihəsi barədə danışan A.Karabeyoğlu raket mühərrikini inkişaf etdirməyə nail olduqlarını bildirib. Kosmosa çıxmaq üçün bugünə qədər 11 sınaq həyata keçirildiyini deyən baş direktor gələn il, yayda kosmosa göndərilməsi nəzərdə tutulan raketin ilk dəfə test ediləcəyini qeyd edib. 

"Türkiyə artıq raket mühərriki istehsalında da öz sözünü deyir. Bizim texnologiyanın əsas xüsusiyyəti sadə, ucuz, həm də təhlükəsiz olmasıdır", - deyə A.Karabeyoğlu vurğulayıb.