25 yanvar tarixində İnnovasiyalar Agentliyinin Barama İnnovasiya və Sahibkarlıq Mərkəzinin ilk pre-akselerasiya proqramının son seçim mərhələsi olacaq.

TED.az xəbər verir ki, münsiflər və investorlar pre-akselerasiya proqramında iştirak edəcək 5 komandanı seçəcəklər.

45 müraciətdən cəmi 10 komanda bu şənbə günü baş tutacaq final mərhələyə keçə bilib.

Pre-akselerasiya proqramına seçilən komandalara 25 min manata qədər maddi dəstək göstəriləcək, 30-dan artıq yerli və xarici mentordan dəstək alacaq və ABŞ-da keçiriləcək mübadilə proqramında iştirak edəcəklər.