“Çimərliklərlə bağlı Komissiya yaradılıb və qaydalar hazırlanır”. 

TED.az xəbər verir ki, bunu Bakı Şəhər İcra Hakimiyyəti başçısı Eldar Əzizov Nazirlər Kabineti Yanında Operativ Qərargahın brifinqindəki çıxışı zamanı bildirib. 

E.Əzizov qeyd edib ki, bu məsələ ilə bağlı mütəxəssislərlə məsləhətlər aparılır: “Sosial məsafə saxlamaq vacibdir. Biz buna görə də, elektron sistemdən istifadə etməyi düşünürük. Belə olduğu təqdirdə vətəndaş çimərliyə getmək üçün, əvvəlcədən özünə yer sifariş verə biləcək”.

Nazirlər Kabinetinin mətbuat katibi İbrahim Məmmədov əlavə edib ki, çimərlik və digər yerlərdə dezinfeksiya işləri də daxil olmaqla, tətbiq olunacaq bütün işlər, elan şəklində insanlara çatdırılacaq.

Nuranə DAXİLQIZI