Ukraynada 5G-nin qadağan olunması haqqında petisiya nəzərdən keçiriləcək. Petisiyanın müəllifləri və onu imzalayan vətəndaşlar hesab edirlər ki, yeni mobil rabitə texnologiyası sağlamlığa mənfi təsir göstərəcək.

TED.az xəbər verir ki, Ukrayna ərazisində 5G-nin qadağan edilməsi haqqında petisiya artıq 25 min səs toplayıb. 

Ərizənin müəllifi Yulianna Qordey 5G-nin insan sağlamlığana mənfi təsir göstərdiyinə inanır.

"Xahiş edirik bu rabitə növünün təhlükəsizliyi üzrə klinik cəhətdən təsdiqlənmiş sübut bazası olmadan onu ölkəmizdə tətbiq etməyəsiniz!" - deyə Y.Qordeyin hazırladığı petisiyada deyilir.

Qaydalara əsasən, təxminən iki həftə ərzində petisiya Ukrayna prezidenti Vladimir Zelenski tərəfindən nəzərdən keçirilməlidir.

Qeyd edək ki, 5G texnologiyası bir çox konspiroloq tərəfindən 2020-ci ilin əvvəlindən başlayaraq koronavirusun yayılmasına kömək edən vasitə kimi qələmə verilir və insanları radiasiya ilə şüalandırdığı deyilir. Hazırda bu məsələ azərbaycanlılar tərəfindən də geniş müzakirə olunur.