GPS (Global Positioning System) peyk əsaslı naviqasiya sistemidir.

TED.az xəbər verir ki, son illərdə smartfonlarla birlikdə istifadəsi artan məkan bildirmə və naviqasiya xüsusiyyətlərinin arxasında orbital peyklər dayanır. Bu peyklərin yer aldığı sistem isə GPS adlanır.

GPS yer və vaxt məlumatlarını təmin edən kosmik peyk naviqasiya sistemidir.

GPS necə işləyir?

Orbitdə hərəkət edən peyklərlə məkan müəyyən edən və ABŞ Müdafiə Nazirliyinə aid olan GPS sistemi bir növ radio siqnalları yayır və yerdəki GPS qəbulediciləri bu siqnalları araşdıraraq mövqeyi müəyyənləşdirirlər.

GPS texnologiyasına əlavə olaraq digər ölkələrin də öz geolokasiya texnologiyaları var. Məsələn, Rusiya naviqasiya sistemi GLONASS, AB tərəfindən hazırlanmış Galileo, Çin tərəfindən Compass və Hindistan tərəfindən hazırlanan IRNSS bu sistemlərə nümunədir.