AZ

Polad Həşimovun adını daşıyacaq PUA üçün özü yığdığı təyyarəni sökəcək 

9890ac3bdfae3dd543250192026e95e7.jpg
26.07.2020 17:50

"Dostluğumdakı gənclərdən biri imkanlı ailədən olmasa da elə mərdanə addım atdı ki, əməli heç bir maddiyyatla ölçülməz. Fəxr hissi duydum. O, illər öncə təyyarə modeli düzəldib, ancaq şəhid generalımız Polad Həşimovun adını daşıyacaq PUA-nın prototipinin ərsəyə gəlməsində yaranan çətinliklərə görə, öz təyyarəsini söküb ehtiyat hissə kimi mənə verməyi təklif etdi".


TED.az xəbər verir ki, bunu sözügedən PUA-nın təklifini verən və layihəyə rəhbərlik edən Tural İsmayılzadə öz Feysbuk səhifəsində yazıb. 


"Bir insan arzusunda olduğu modeli qurmaq üçün illər sərf edir və bir gün şəhidin adını eşidib, öz arzularının üstündən xətt çəkməyə hazır olur. Allah belə qeyrətli gənclərimizi daim var etsin!" - T.İsmayılzadə əlavə edib. 


Startapçı sonda onu da nəzərə çatdırıb ki, iki layihədən birinin mühərrik sistemi üçün vəsait toplanıb: "Hələ ki, sadəcə öz maddi yatırımımla, kənardan dəstək olmadan məbləği hazır edə bildim. Sabah əlaqə saxlayıb sifariş verəcəyik. Digər ehtiyat hissələrinə də vəsait toplansa, 1 həftə sonra maketi hazırlamağa və iç elektronikasını yığmağa başlayacağıq".


 

Cavid QƏDİR

TED + bölməsindən digər xəbərlər

Daha çox