Hələlik beta versiyası yayımlanan iOS 14 istifadəçiləri İnstaqramın onları izlədiyi qərarına gəliblər. Onlar izləmənin kamera bağlı olduğu halda həyata keçirildiyini düşünürlər. 

TED.az xəbər verir ki, istifadəçilər İnstaqramda vaxt keçirərkən ön kamera bağlı olduğu halda, yaşıl rəngli "kamera açıqdır" sözlərini görüblər. Bəziləri bunu sosial şəbəkənin texniki səhvi hesab etsə də, digərləri İnstaqram tərəfindən izləndiklərini iddia edirlər. 

İnstaqram rəsmiləri isə verdikləri açıqlamalarda platformanın fərdi məlumatları qoruduğunu və heç kimi izləmədiyini deyiblər. Bildirilib ki, bu, proqram təminatındakı texniki səhvdən qaynaqlanır.