Milyarder Riçard Bensona məxsus “Virgin Galactic” şirkəti mülki ultra-səsli təyyarə üzərində işləyir.

TED.az xəbər verir ki, bu barədə şirkətin saytında məlumat yerləşdirilib.

Məlumata görə, şirkət iyulun 4-də ultra-səsli kommersiya təyyarəsinin layihələndirilməsinin birinci mərhələsinə başlayıb.  

Bildirilib ki, “Virgin Galactic” layihə ilə bağlı Rolls-Royce şirkəti ilə qarşılıqlı anlaşma memorandumu imzalayıb.

Layihə texniki həllərin ekoloji təhlükəsizliyinə əsaslanacaq. Yeni təyyarənin deltaşəkilli qanadla təchiz olunacağı, 19 sərnişin yerləşdirə biləcəyi güman edilir. 

Proqnozlara görə, innovativ təyyarə səsin sürətinindən üç dəfə çox sürətlə 18 300 metr yüksəklikdə uça biləcək.