Texnologiya nəhəngi Apple iPhone 12 seriyasında 5G-yə üstünlük versə də, 4G texnologiyasına sahib bir modelin olacağı da bildirilib. 

TED.az Türkiyə mətbuatına istinadən xəbər verir ki, Apple artıq 5G dünyasına addım atır. Sentyabr ayında təqdim olunacaq dörd yeni iPhone-un da 5G dəstəkli olacağı məlumdur. Ancaq firmanın beşinci modelini də nümayiş etdirəcəyi deyilir. 

Məlum olduğu qədər sözügedən model ucuz 4G iPhone 12 olacaq. Bu smartfon 2021-ci ilin əvvəllində satışa çıxarılacaq. 

5G texnologiyası hələ tam yayılmadığı üçün modelin böyük potensiala malik olduğu deyilir. 

Daha çox az gəlirli şəxslər üçün nəzərdə tutulan smartfonun Azərbaycan bazarında yer alıb-almayacağı bəlli deyil.