Telegram Messenger yeni funksiyanın işə salınmasını elan edib. 

TED.az xəbər verir ki, messenger istifadəçiləri artıq videozəngdən istifadə edə bilərlər. 

Hazırda funksiya yalnız Android əməliyyat sistemi ilə təchiz olunan smartfonlarda işləyir.

Telegram nümayəndələri yeniliyin “400 milyondan çox istifadəçiyə sahib platformanın” (Telegram) yeddinci ildönümünə həsr olunduğunu açıqlayıblar. 

Bundan əlavə, telegram-çılar iOS istifadəçilərindən üzr istəyib. Bildirilib ki, yeniliyin iOS təminatlı smartfonlarda mövcud olmaması Apple moderatorlarının tətbiqin yeni versiyasını vaxtında yoxlaya bilmədiklərindən irəli gəlir.