Amerika Birləşmiş Ştatları Huawei-in ABŞ texnologiyasına əlçatanlığını minimuma endirmək üçün qadağaların sayını artırıb.

TED.az xəbər verir ki, yeni qadağalarla Huawei-in tabeliyindəki 38 kiçik şirkət də qara siyahıya salınıb. Həmin şirkətlərin 21 ölkədə fəaliyyət göstərdiyi bildirilib. Bu qadağalarla Huawei-in ABŞ texnologiyasından yararlanmaqla inkişafının qarşısının alınacağı qeyd olunub. 

ABŞ xarici işlər naziri Mike Pompeo isə Huawei-i Çin Kommunist Partiyasının bir qolu kimi gördüklərini, bunu diqqətdə saxlayaraq hərəkət etdiklərini söyləyib. Qeyd edib ki, ABŞ beynəlxalq təhlükəsizliyini təmin etmək üçün şirkətə məhdudiyyətlər qoymaqda davam edəcək.