Huawei Band 4 Pro istifadəçilərə təqdim edilib.

TED.az xəbər verir ki, yeni model 11 fərqli idman növünü dəstəkləyir. GPS modulu ilə inteqrasiya olunan Huawei Band 4 Pro idman məlumatlarını hər hansı telefona bağlanmadan qeyd edə bilir. 

Cihazda 0,95 düymlük AMOLED ekrandan istifadə olunub. Çəkisi 25 qram olan ağıllı bilərzik 5-12 gün müddətində enerji saxlama qabiliyyətinə sahibdir. 

Modeldə nəbz ölçmə, yuxu rejiminin təqibi və digər tibbi funksiyalar da mövcuddur. 

Qeyd edək ki, hazırda yalnız Türkiyədə istifadəyə verilən Huawei Band 4 Pro yaxın günlərdə digər ölkələrdə də təqdim ediləcək.