Son günlərdə bir çox İnstaqram istifadəçisi hesablarına giriş edə bilmədiklərindən, hesab şifrələrinin xəbərsiz şəkildə dəyişilməsindən şikayətlənir. 

Telekommunikasiya mühəndisi Kamil Məmmədov TED.az-a bildirib ki, bu, istifadəçilərin hesab təhlükəsizliyinin aşağı səviyyədə olmasının nümunəsidir: “Təhlükəsizliyin aşağı səviyyədə olmasının ilkin səbəbi bütün sosial platforma hesablarına eyni şifrənin qoyulmasıdır. Sosial şəbəkə hesablarına 6-8 böyük və kiçik hərf, həmçinin rəqəmlərin qoyulması daha məqsədəuyğundur. Şifrələrə mobil telefon nömrəsi qoymaq, parolun keyfiyyət səviyyəsini aşağı edir”. 

Ekspertin sözlərinə görə, İnstaqramda təhlükəsizlik aşağı səviyyədədir: “Amma qeyd etdiyim qaydalara əməl etməklə, təhlükəsizliyi az da olsa təmin etmək mümkündür. Dünya statistikasına görə, hazırda ən təhlükəsiz sosial şəbəkə Feysbuk hesab olunur”. 

Nuranə DAXİLQIZI