ABŞ hələ də Huawei və digər Çin istehsalçılarla iş aparmaq üçün şirkətlərə lisenziyalar verir. 

ABŞ-ın yeni sanksiyalarına əsasən Huawei-yə Amerika texnologiyası və avadanlığından istifadə edərkən çipset almaq və ya istehsal etmək qadağandır. Lakin mətbuatda Huawei-in xeyrinə xəbər yayılıb. Çin mənbələri Intelin ABŞ-dan Huawei ilə işlərinə davam etmək üçün lisenziya aldığını yazırlar. Bu lizenziya əsasında Çinin texnoloji nəhəngi Intel şirkətinə avadanlıq sifariş verəcək.

TED.az xəbər verir ki, bu yaxınlarda AMD-nin də Çin şirkətləri ilə işlərini davam etdirmək üçün ABŞ-dan bir lisenziya aldığı məlum olub.

Lakin AMD ilə işləmək üçün icazə verilən şirkətlərin adlarını hələ açıqlanmayıb. Bu nüans ABŞ-ın hələ də bəzi şirkətlərə Huawei və digər Çin istehsalçılarla iş aparmaq üçün lisenziyalar verdiyini təsdiqləyir. 

Buna görə də, gec-tez Huawei lazımi təchizatçılarla əlaqələri bərpa edə bilər.