AZ

100 tələbə Cənubi Koreyanın İnha Universitetinə yollanılacaq – kompüter mühəndisləri çoxluq təşkil edir

022
25.09.2020 10:34

“Bakı Mühəndislik Universiteti (BMU) ilə Cənubi Koreyanın İnha Universiteti arasında imzalanan anlaşma memorandumu çərçivəsində bu il ikili diplom proqramında kompüter mühəndisliyi, inşaat mühəndisliyi, elektrik və elektronika mühəndisliyi ixtisası üzrə 100 nəfər qəbul olunub”. 

 

Bu sözləri TED.az-a açıqlamasında Bakı Mühəndislik Universitetinin elmi işlər üzrə prorektoru Elçin Süleymanov deyib.

 

Onun sözlərinə görə, onlar 3 il Azərbaycanda təhsil alacaq, 4-cü kursda isə bir il müddətinə Koreyaya gedəcəklər: “Bu il ilk dəfə seçim oldu. Seçim Cənubi Koreyanın İnha universiteti tərəfindən onlayn formada keçirildi. Bildirək ki, müsabiqə vəziyyəti çox yaxşı olub. Xüsusilə də kompüter mühəndisliyinə müraciətlər həddindən artıq çox idi. Amma hər biri tək-tək imtahan olundu və seçim edildi. Hazırda ingilis dilində İnha Universitetinin proqramı ilə o tələbələr 3 kurs Azərbaycanda, 4-cü kursda isə Cənubi Koreyada təhsil alacaqlar. Onların bütün təhsil xərcləri Təhsil Nazirliyi tərəfindən ödəniləcək”. 

 

Günel QURBANOVA

Elm bölməsindən digər xəbərlər

Daha çox