Faylın ölçüsünə görə neçə dəqiqəyə yüklənəcəyini necə öyrənmək olar? – FAYDALIDIR
İllərdir eşitməyə alışdığımız Mbps (mega bits per second) termini meqabayt (MB) ilə çox zaman qarışdırılır. Mbps əslində fayl ölçüsü ilə bağlı bir anlayış deyil.
TED.az-ın məlumatına görə, Mega Bit Per Second (Mbps) internet şəbəkəsinin bant genişliyini və saniyədə ötürülən məlumat miqdarını ifadə edir. Məlumatların miqdarı bitlərlə hesablanır. 1 Mbps 1 milyon bitə bərabərdir. Bir sözlə, 1 Mbps məlumat ötürmə sürətinə sahib internet bağlantısı saniyədə 1 milyon bit məlumat ötürür.
Kbps saniyədə min bit məlumat ötürülməsini, Gbps isə saniyədə 1 milyard bit məlumat ötürülməsi deməkdir. 1000 Kbps 1 Mbps, 1000 Mbps 1 Gbps sürətinə bərabərdir. Ən çox istifadə olunan internet sürəti 8, 16, 24 və 35 Mbps internet tutumlu şəbəkələrdir.
Meqabayt (MB) kompüterlərdə və elektron mühitlərdə istifadə olunan fayl ölçüsünü ifadə edən ölçü vahididir. Əsas ölçü vahidi baytdır.
Orta hesabla 1 kilobayt (KB) min bayt, 1 meqabayt (MB) 1 milyon bayt, 1 gigabayt (GB) 1 milyard bayt, 1 terabayt (TB) 1 trilyon baytdır. Petabyte, exabyte, zettabyte və yottabyte kimi ölçü vahidləri də var, lakin astronomik dəyərləri ifadə etdikləri üçün gündəlik həyatda çox rast gəlinmir.
Texniki detallar qarışıq görünə bilər. Xülasə, MB endirmək ya da yükləmək istədiyiniz sənədin ölçüsünü, Mbps isə bu faylı yükləyərkən və endirərkən istifadə edəcəyiniz internet sürətini ifadə edir.
Mbps nə qədər geniş olarsa, oradan keçən MB da bir o qədər sürətli məlumat axtarma gücünə sahib olur.
MB sabit bir dəyər olduğu halda, Mbps deyil. Bir çox fərqli dəyişənə uyğun olaraq, bant genişliyiniz asanlıqla darala bilər. Buna görə internet provayderiniz tərəfindən təklif olunan Mbps dəyəri əlaqənin ən yaxşı anını ifadə edir.
MB və Mbps terminlərini niyə bilməliyəm sualının cavabı fayl endirmə sürətini hesablamaqdır. Mbps genişliyi üzərindən MB ölçülü bir faylı neçə saniyəyə endirə biləcəyinizi hesablayaraq xidmət təminatçınızla əlaqə qura bilərsiniz və bəlkə daha sürətli bir internet bağlantısını seçə bilərsiniz.
Mbps üzərindən yükləmə sürəti necə hesablanır?
1) Yükləmək istədiyiniz fayl ölçüsü 100 MB
2) İnternet bağlantınızın sürəti 10 Mbps
3) 8 bit 1 bayta bərabərdir.
40 100 x 8 = 800 meqabit
Megabayt dəyərini meqabitə çevirdik.
5) 800/10 = 80 saniyə
Faylın meqabit dəyərini internet sürətinə bölərək vaxtı hesabladıq.
Yuxarıda göstərilən prosesə görə, 10 Mbps sürətə malik internet şəbəkəsi üzərindən 100 MB faylı 80 saniyədə endirə bilirik.
Bütün bu hesablamaların əsası, 8 bitin 1 bayta bərabər olmasıdır. Əks əməliyyatı etmək istəyirsinizsə yəni baytların dəyərini bitlərə çevirmək istəyirsinizsə, sadəcə 0.125-ə vurun.
Sözsüz ki, əməliyyatdakı internet sürəti maksimum dəyər üzərindən hesablanıb. Çox vaxt internet sürətiniz daha aşağı ola bilər. Bu vəziyyətə şəbəkəyə qoşulan insanların sayı, infrastruktur problemləri, brauzerin səbəb olduğu gecikmələr, serverdən qaynaqlanan gecikmələr kimi bir çox fərqli məsələlər səbəb ola bilər.