AZ

Qarabağda 2 dəfə tank əleyhinə minaya düşsə də, şəxsi heyəti qoruyan zirehli avtomobil – Marauder

the-marauder-e1599233951568
23.10.2020 15:55

Əks-hücum əməliyyatları başlanıldığı andan şanlı Ordumuzun uğurları, istifadə edilən ən müasir döyüş texnikası bütün dünyanın diqqət mərkəzindədir.

 

Bir çox hərbi ekspert öz şərhlərində "Marauder" və "Otokar Kobra" zirehli avtomobillərinin ən yaxşı performans göstərən zirehli avtomobillər olduğunu qeyd edirlər.

 

TED.az həmin avtomobillər barədə maraqlı məlumatları təqdim edir.

 

Marauder Azərbaycan Müdafiə Sənayesi Nazirliyinin Cənubi Afrika Respublikasının "Paramount Group" şirkəti ilə müştərək istehsal etdiyi zirehli transportyordu. Bu maşın ilk dəfə 2007-ci ildə Əbu-Dabi şəhərində keçirilən İDEX hərbi-sənaye sərgisində təqdim olunub. STANAG 3a və 3b səviyyəli zireh dözümünə malik olan “Marauder” zirehli transportyoru 2011-ci ildə öz sinfindən dünyada ən möhkəm zirehli transpotyor elan olunub.

 

 

“Marauder” kütləvi qırğın silahından müdafiə sistemi, yardımçı güc qurğusu, əldəqayırma partlayıcı maddələrin siqnallarını pozmaq üçün xüsusi mühəndis qurğusu və müxtəlif silah növləri ilə təchiz olunub. ZTR-ə -32˚ və +55˚ C temperaturda şəxsi heyətin rahatlığını təmin etmək – döyüş fəaliyyətini davam etdirə bilməsi üçün xüsusi olaraq hazırlanmış iqlim-nəzarət Sistemi quraşdırılıb. Partlayış zamanı şəxsi heyəti qoruyan əlavə vasitələrdən biri də xüsusi formalı oturacaqlardır. “Marauder” zədələnmiş təkərlə 50 km-lik məsafədə öz hərəkətini davam etdirmək qabiliyyətinə malikdir. Bir neçə gün bundan öncə işğal altında olan Qubadlı rayonu istiqamətində “Marauder”lə hərəkət edən şəxsi heyyət ard-arda 2 dəfə tank əleyhinə minaya düşüb. Xoşbəxtlikdən və “Marauder”in texniki kefiyyətinə görə hərbçilərimiz yüngül xəsarətlə partlamadan xilas ola bilib, döyüş əməlliyatını uğurla davam etdiriblər.

 

Ağırlığı 15 ton, sürəti 120 km/saatdır. Azərbaycan Silahlı Qüvvələri “Marauder”i 2010-cu ildən etibarən öz silahlanmasına daxil edib.

 

Ordumuzun silahlanmasında yer alan “Marauder” zirehli transportyoru üzərindəki İsrailin Rafael şirkətinin istehsalı, “Samson” məsafədən idarə olunan döyüş modulu və ABŞ istehsalı olan 12.7 mm-lik “M2 Browning” ağır pulemyotu kimi döyüş modulu var.

 

Otokar Kobra Otokarın araşdırma və inkişaf etdirmə qrupu tərəfindən silahlıqüvvələrin zirehli təkərli vasitə ehtiyacı istiqamətində ən uyğun həlli təmin etmək üçün hazırlanıb.

 

 

Ağırlığı 6200 kq, sürəti 115 km/saatdır. Kobra çox güclü ballistik qorunmaya malikdir. Oxşar gövdə və infrastruktur üzərinə hazırlandığı üçün xidmətdə böyük asanlıq təmin edir. Fərqli istifadə məqsədləri üçün olan maşınlarda belə ana quruluşun eyni qalması baxım, təmir və ehtiyat hissədə də böyük qənaəti təmin edir. Bu səbəbdən Kobra bir çox ordunun seçim etdiyi zirehli nəqliyyat vasitəsidir.

 

Günel QURBANOVA

QARABAĞ bölməsindən digər xəbərlər

Daha çox