Samsung çip istehsalını artırır - YENİ MÜƏSSİSƏ
Samsung şirkəti çip istehsalı üçün yeni müəssisə quracağını bildirib. Bloomberg-in hesabatına görə, texnologiya nəhəngi Austində ən qabaqcıl çip istehsalına nail olmaq istəyir.
TED.az xəbər verir ki, şirkət istehsal üçün 10 milyard dollardan çox sərmayə qoymağı planlaşdırır. Samsung-un bu sərmayə ilə daha çox amerikalı müştəri qazanmağı və digər çip istehsalçısı TSMC ilə rəqabəti hədəflədiyi bildirilir.
Müəssisəsinin gələcəkdə 3 nanometrə qədər inkişaf etmiş çip istehsal etməsi planlaşdırılır. Şirkət gələn ildən böyük avadanlıq quraşdırmaq və 2023-cü ildə müəssisədə çip istehsalına başlamaq istəyir.
Bundan əlavə, texnologiya istehsalçısı önümüzdəki on il ərzində çip sənayesinə 116 milyard dollar investisiya yatıra bilər.