Magistraturaya qəbul imtahanlarının birinci mərhələsinin nəticələri yaxın iki gün ərzində elan olunacaq.

Bu barədə TED.az-a Dövlət İmtahan Mərkəzinin mətbuatla iş və elektron kommunikasiya sektorunun müdiri Xanlar Xanlarzadə məlumat verib.

Bildirilib ki, martın 1-dən DİM-də imtahan protokolları və cavab kartlarının emalına başlanıb.

İmtahan nəticələri ilə bağlı müraciətlərə baxılması üçün DİM 5 martdan etibarən onlayn ("Zoom" proqramı və ya telefon əlaqəsi vasitəsilə) apelyasiya prosesi təşkil edəcək. Apelyasiya komissiyasına müraciət etmək istəyənlər 3-4 mart tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan apelyasiya üçün müraciət edə bilməyəcəklər.

Lamiyə SÜLEYMANLI