Intel kompakt noutbuklara, planşetlərə və transformer noutbuklara yönəlmiş yeni prosessor xəttini təqdim edib.

TED.az xarici mətbuata istinadən xəbər verir ki, Intel Comet Lake-in onuncu nəsil yeni ailəsi Y və U modelləri ilə təqdim olunur.

Onlar 14 nm texnoloji prosesdə hazırlanır və əgər Y planşet və transformer noutbuklar üçün nəzərdə stutulubsa, U seriyası artıq güclü kompakt noutbuklar üçün yaradılıb.

Ümumiyyətlə, Comet Lake yüksək məhsuldarlıq və təkmilləşdirilmiş qrafikası olan üst noutbuklar üçün xidmət edən Ice Lake xətti ilə eyni vaxtda satılacaq.

Comet Lake seriyasına Core i3, i5 və i7 daxildir. Bütün çiplər LPDDR4X, LPDDR3, DDR4 RAM-ni, simsiz Wi-Fi 6 modulunu və Thunderbolt 3 sürət portlarını dəstəkləyir.