TED.az xəbər verir ki, Azərbaycan Respublikası Elm və Təhsil Nazirliyinin dəstəyi və Azərbaycan Gənc Müəllimlər Assosiasiyasının təşkilatçılığı ilə keçirilən "Təlimçilər üçün təlim" proqramının 3 gün davam edən təlimləri yekunlaşıb.

12 regiondan iştirak edən 20 gənc müəllim təlim kursundan gözləntilər, təhsilin formaları, öyrənmənin müasir metodları, təcrübə əsaslı öyrənmə, insan hüquqları  mövzuları ətrafında müzakirələr aparıb, qrup işləri və vörkşoplar təşkil ediblər.

Qeyd edək ki, proqramın əsas məqsədi təhsil sahəsində çalışan təlimçilərin bu istiqamətdə təcrübələrinin artırılması,  təlim keyfiyyətinin yüksəldilməsi, fərqli təlim metodlarının və qeyri-formal təhsil üsullarının təlimçilər tərəfindən daha effektiv şəkildə tətbiq edilməsini təşviq etməkdən ibarətdir.

Ümumilikdə 3 gün davam edən proqramın növbəti mərhələsində müəllimlər regionlarda davamlılıq layihələri həyata keçirəcəklər.