İsrail PUA-lara qarşı M61 Vulcan sistemini incələyir

19.06.2024 20:20

İsrail Müdafiə Qüvvələrinin məlumatına görə, İsrail Pilotsuz Uçuş Aparatlarına (PUA) qarşı M61 “Vulcan” top sistemini incələyir və yerli media bu silahın şimal sərhədi boyunca yerləşdirilən zirehli personal daşıyıcılarında yerləşdiriləcəyini bildirir.

TED.az xəbər verir ki, İsrailin bu silahı alması ehtimalı İsrailin aprel ayında İsrailə PUA-lar və raketlər göndərən, Livanda yerləşən “Hizbullah” silahlı qruplaşması ilə toqquşduğu dövrdə gündəmə gəlib.

İsraildə yerləşən Satınalma Tədqiqat və Təlim Mərkəzi bu yaxınlarda “Hizbullah”ın kəşfiyyat məlumatlarının toplanması və hücum kimi müxtəlif məqsədlər üçün 2500-dən çox PUA-ya sahib olduğunu açıqlayıb.

Mərkəz qeyd edib ki, İsrailə qarşı PUA hücumları fevraldakı 7-dən martda 24-ə yüksəlib.

Çap et