Android-də boşluq aşkarlandı
Google-un təhlükəsizlik komandası olan Project Zero bəzi ağıllı telefon modellərində ciddi problemə yol açan Android boşluğunu aşkara çıxarıb.
TED.az Türkiyə KİV-nə istinadən xəbər verir ki, yayımlanan açıqlamada Android-dəki boşluğun xeyli istifadəçi tərəfindən fərq edildiyi və hakerlərin bundan yararlanmağa başladıqları diqqətə çatdırılıb.
Bəzi Android sistemli telefonlardakı təhlükəsizlik boşluğu cihazdakı məlumatlara girişi təmin edir. Beləcə, əməliyyat sistemindəki əksər məlumat və komandalar ələ keçmə təhlükəsi qarşısında qalır.
Sözügedən boşluq bir neçə gün əvvəl qapadılmasına rəğmən təkrar ortaya çıxıb.
Google istifadəçilərinə xəbərdarlığında etibarsız qaynaqlardan proqramlar yükləməməyə, Chrome xaricində fərqli brouzerdən istifadə etməməyə diqqət göstərməyi qeyd edib.
Yaxın günlərdə təqdim olunacaq yenilənmə ilə təhlükəsizlik boşluğunun doldurulacağı gözlənilir.
Təhlükəsizlik boşluğunun müəyyən edildiyi bəzi telefon modellərinin siyahısını təqdim edirik:
Huawei P20
Xiaomi Redmi 5A
Xiaomi Redmi Not 5
Xiaomi A1
Oppo A3
Moto Z3
Oreo LG
Samsung Galaxy S7, S8, S9